[color:0580=olive][center]
يا مـوالي ... يا مـوالي ... هالليله أجمـل الليـالي
عوف الحزن عوف المحن ... هالليله ميلاد الحسن
***
عوف الهموم بصفحـه ... قاسمني هاي الفرحه
سبط الرسول الهـادي ... نوّرعلينـه بصبحـه
طيـرالسعـاده الليلـه ... خفّكَـ علينه بجنحـه
ومن روضة الحب هبّت ... عالدنيا أطيب نفحـه
لاحتِ النه ... لاحت النه ... شمس الأمل نوْرت حفلنه
حانت فرِحْتك يالمحـب ... خلّيك من ضيم الزمن
***
هالليله تحلى السهـره ... ياصـاح ويّـه العتره
مولـد سليل الهـادي ... بالحـب نغـازل بدره
هم فرحه هم نتـورّع ... هم نحيي هاي الذكره
هم ننسه ضيم الماضي ... هم اِحنه نحصل أجره
خلنه نفرح ... خلنه نفرح ... مولد إمامك بيه نمـرح
منّه استلم صكّ الأجر ... صكّ الذي يْدخلك عدن
***
عوف المآتم يا صاح ... قاسمني هـاي الأفـراح
نـور الإمـام الثاني ... بـدر بسمه العصمه لاح
ويه الأحبّـه الليلـه ... يحله السهـرللمصبـاح
ننسه الدهـر وآلامه ... والمـاضي خلانه وراح
هالمحافل ... هالمحافل ... أعظم أجر من يمهه حاصل
بيه العبـر مثل الدرر ... ميـلاد نبراس السنن
***
رمضان شهـر الرحمه ... مو بس عبـاده اتمّه
واجب تجـي بـأفراحك ... نكَصـد نهـنّي اليمّه
للمصطفـى ولْحـيـدر ... والزهـره فاطم أمه
ثـاني بـدر للـهـادي ... نـوّر سماء العصمه
زاهي بدره ... زاهي بدره ... نـوّر على كـل المجرّه
بالمجتبى نهـج الإبا ... دستوره هالليلـه انعلن
***
يا محله هـاي الليلـه ... أعظـم فـرح نحييله
مصحف غرامي وشوكَي ... يحلالي بـي ترتيلـه
خل يلفي قيس العاشكَـ ... يعرض غرامـه لليلى
ما يوصل لْـثمْن اعشار ... من عشكَي لو أحجيله
ما أغالي ... ما أغالي ... لو كَتله ميْصح مثلي تالي
محبوبي لو راد العمر ... أهديه عمري بلا ثمن
***
ما أكَدر اوصـف حسنه ... يا خصلـه أذكرمنّـه
نور عْله نـور بنـوره ... جنّة عـدن متْزيْنـه
مو بس أنه السـاحرني ... بيـه الرسل مفتتنـه
وشلـون مـا يفْتنْهـم ... سيّـدشبـاب الجنّـه
يا صحيبي ... يا صحيبي ... ريحانة الهادي حبيبي
وخل تستمع جنّ وإنس ... بالمجتبى كَلبي انفتن
***
هذا العشـكَـ يحـلالي ... وبهـالعشكَـْ ما بالي
خـل تلكَه عيـب بْحبي ... لـو عـاذلت عذّالي
وجـه الحبيـب الغالي ... مثـل الكَمـر متلالي
من ضيْ جماله الساطع ... عجْزت تِوَصْفه اقوالي
مثله واحد ... مثله واحد ... خلْهم يجيبولي الحواسد
ما تِلكَه واحد بالبشر ... يوصل لعد وجهه الحسن
***[/center][/color]
[color:0580=olive][center]تحياتي
دموع[/center][/color]
الإثنين سبتمبر 01, 2008 5:02 am